Қирғизистонда ўқувчилар номаълум моддадан оммавий равишда заҳарланди

BISHKEK. Кazinform – Қирғизистоннинг Ош вилоятининг Кара-Суй туманида 43 нафар мактаб ўқувчиси номаълум моддадан заҳарланди, дея хабар беради Кazinform Қирғизистон Соғлиқни сақлаш вазирлиги матбуот хизматига таяниб.

Маълумотларга кўра, воқеа 29 март куни соат 16:00 да содир бўлган.

12-14 ёшли 43 нафар ўрта мактаб ўқувчилари Ўш вилоятлараро болалар шифохонасига етказилган, улардан 28 нафари шифохонага ётқизилди.

Уларга «номаълум моддадан заҳарланиш» деган дастлабки ташхис қўйилган. Болаларнинг аҳволи барқарор.

Барча жабрланганлар шифокорлар томонидан кўрикдан ўтказилди.

2023 йил 30 март куни шифокорлар маслаҳати натижаларига кўра, 13 нафар ўсмир шифохонадан чиқарилган.

Қолганлари травматология бўлимида. Вазият барқарор.

Дастлабки маълумотларга кўра, ўқувчилардан бири атир сепган ва натижада қолганлари заҳарланган.