Қирғизистон Президенти Қасим-Жомарт Тоқаевга миннатдорчилик билдирди

NUR-SULTAN. Kazinform – Қирғизистон Президенти Сооронбай Жэээнбеков Қозоғистон Президенти Қасим-Жомарт Тоқаевга ушбу мушкул дамларда қўллаб-қувватлагани ва инсонпарварлик ёрдами кўрсатганлиги учун миннатдорчилик телеграммасини юборди.

Бу ҳақда бугун Facebook саҳифасида Қозоғистон Президентининг матбуот котиби Берик Уали маълум қилди.

«Биз ушбу оғир кунларда қардош қозоқ халқининг қўллаб-қувватлаганини, шунингдек, Қозоғистоннинг Марказий Осиёда пандемияга қарши курашдаги ҳиссаси ва саъй-ҳаракатларини қадрлаймиз. Икки мамлакат ўртасидаги дўстлик, яхши қўшничилик, иттифоқчилик ва стратегик шериклик ўзаро тушуниш асосида ривожланиб бораверади, деб умид қиламан», - дейилади телеграммада.

Сооронбай Жээнбеков Қасим-Жомарт Тоқаевга сиҳат-саломатлик, давлат хизматида фаровонлик, қардош қозоқ халқига тинчлик ва фаровонлик тилади.