Қирғизистон билан товар айирбошлаш 2 миллиард долларга етди – ҚР Ҳукумати

ALMATY. Кazinform – Қозоғистон Бош вазири Алихан Смаилов Қирғизистон Вазирлар Кабинети раиси – Президент Администрацияси раҳбари Ақилбек Жапаров билан музокаралар ўтказди. Учрашув Алмати шаҳрида бўлиб ўтаётган «Европа Иттифоқи – Марказий Осиё» 2-иқтисодий форуми майдонида бўлиб ўтди, деб хабар беради Кazinform.

Томонлар савдо-логистика инфратузилмасини ривожлантириш, сармояларни жалб қилиш, қишлоқ ва сув-энергетика соҳаларида ҳамкорлик қилиш ва бошқа қатор масалаларни муҳокама қилди.

Алихан Смаилов Қозоғистон ва Қирғизистон ўртасида ўзаро ҳурмат ва яхши қўшничиликка асосланган ишончли муносабатлар ривожланиб бораётганини таъкидлади.

2022 йил якунига кўра ўзаро товар айирбошлаш ҳажми 7,5 фоизга ўсиб, 1,1 миллиард доллардан ошди. Бу йил ҳам ижобий тенденция давом этмоқда.

«Яқин келажакда товар айирбошлаш ҳажмини 2 миллиард долларга етказиш бўйича зарур чора-тадбирлар кўрилмоқда. Ишонаманки, биз биргаликдаги ҳаракатлар эвазига бу мақсадга эришамиз. Қозоғистон Ҳукумати икки томонлама ҳамкорликни чуқурлаштиришга қаратилган кўп томонлама ҳамкорликнинг барча соҳаларида фаол мулоқотни давом эттиришга тайёр», — деди Бош вазир.

Ўз навбатида Ақилбек Жапаров мамлакатлар ўртасидаги икки томонлама кун тартибидаги барча масалалар ўзаро англашув, ишонч ва қўллаб-қувватлаш руҳида муҳокама қилиниб, ҳал этилаётганини таъкидлади.

Ишончим комилки, бугунги учрашувимиз икки томонлама ҳамкорлик истиқболларини муҳокама қилиш ва белгилаб олиш учун яхши имконият яратади, – деди Ақилбек Жапаров.