Кипр оролида коронавируснинг гибрид версияси – «дельтакрон» аниқланди
10 Январь 16:32

Кипр оролида коронавируснинг гибрид версияси – «дельтакрон» аниқланди

NUR-SULTAN. Кazinform – Кипр оролида коронавируснинг гибрид версияси – «дельтакрон» аниқланди, дея хабар беради Kazinform.

Қозоғистон Ҳукумати ҳузуридаги Қозоғистонда коронавируснинг олдини олиш бўйича идоралараро комиссия маълумотларига кўра, коронавирус билан касалланган 25 кишининг намуналарида янги штамм аниқланган. Бироқ, олимлар бу вариант муҳим хавф туғдирмайди, деб ҳисоблашади.

Кипр университети профессори Леонтиос Кострикиснинг сўзларига кўра, «дельтакрон» «дельта» билан бир хил генетик асосга эга, аммо «омирон» мутацияларига ҳам эга. Бошқа штаммлардан фарқли ўлароқ, «омикрон» геномида 30 хил мутацияга эга. Уларнинг ўнтаси ушбу намуналарда аниқланган «, - деб тушунтирди олим.

Жанубий Африкалик иммунологлар омикронни CОVID-19 пандемиясининг ўткир босқичининг тугаши ва унинг эндемик ҳолатга, я]ни ма]лум бир ҳудудга хос ҳолатга ўтиши билан боғлашди.

Тадқиқотчилар «омикрон»ни ва илгари аниқланган штаммлари бўлган 466 нафар беморнинг маълумотларини ўрганиб чиқди ва бу тўлқин давомида CОVID-19 билан касалланганларнинг атиги 4,5 фоизи касалхонада вафот этганини аниқладилар, аввалги ўртача 21 фоизга нисбатан. Бундан ташқари, касалхонада ётишнинг ўртача давомийлиги аввалги 8,8 кундан тўрт кунга, интенсив терапия бўлимига ётқизилганлар сони эса 4,3 дан 1 фоизга қисқарди.


Янгиликлар

Архив