Кичик Орол ҳудуди экологияси яхшиланиб бормоқда - экология вазири

NUR-SULTAN. Kazinform – ҚР Экология, геология ва табиий ресурслар вазири Мағзум Мирзағалиев мамлакатнинг жанубий вилоятларига иш сафари доирасида Қизилўрда вилоятига ташриф буюрди.

Ташриф давомида вилоят раҳбари Гулшара Абдиқаликова билан биргаликда Кичик Орол тўғонини кўздан кечирди, дея хабар беради Kazinform мухбири.

«Кеча Қизилўрда вилояти ҳокими Г.Абдиқаликова билан Кичик Оролга бордим. Кўкарал тўғонининг қурилиши Шимолий Орол денгизидаги вазиятни яхшилашда муҳим рол ўйнади ва бугунги кунда у эрда сув ҳажми 27 куб километрга етди. Ҳудуд экологияси яхшиланиб бормоқда ва балиқчилик жадал ривожланмоқда. Сув омборида балиқларнинг 20дан ортиқ тури яшайди», - деб ёзди вазир Twitter саҳифасида.

Унинг таъкидлашича, тўғон стратегик аҳамиятга эга ва унинг ҳолатини кузатиб бориш керак.

«Бунинг учун тўғонни мустаҳкамлаш режалаштирилган, лойиҳа-смета ҳужжатлари ишлаб чиқилмоқда. Лойиҳа яқин келажакда амалга оширилади ва объектни модернизация қилиш жараёнида иш ўринлари яратади», - деди Мағзум Мирзағалиев.

Муаллиф: Марлан Жиембай