КХДР кореялараро алоқа идорасини портлатиб юборди - Сеул

SEUL. YONHAP - Kazinform – Сешанба куни КХДР чегарадош Кэсон шаҳридаги кореялараро алоқа идорасини портлатиб юборди ва шу билан Корея ярим оролидаги кескинликни кескин оширди, дея хабар бермоқда ОАВ Kazinform Yonhap агентлигига таяниб.

Ҳодиса КХДР томонидан Пхеньянга қарши тарғибот варақалари учун Сеулни жазолаш таҳдиди деярли ҳар куни айтилаётган пайтда юз берди. Корея Республикасининг Бирлашиш вазирлиги КХДР маҳаллий вақт билан соат 14:49да алоқа идорасини портлатганини маълум қилди. Аввалроқ ҳарбий манбалар чегара яқинидаги Кэсон шаҳрида тутун иси сезилиб, портлаш овози эшитилганини хабар қилишган.

Портлаш КХДР етакчиси Ким Чен Ыннинг синглиси Ким Ё Чжон шанба куни кечқурун бутун дунё КХДР ва Жанубий Корея ўртасидаги алоқа идорасининг фойдасизлигини кўриши тўғрисида огоҳлантирганидан бир неча кун ўтгач содир бўлди.

Шимолий Корея Жанубий Кореянинг Пхеньянни танқид қилган варақалар тарқатилишини назорат қилиш имкониятига эга эмаслигидан ғазабланди. Пхеньян Жанубий Кореяга барча трансчегаравий алоқа линиялари ёпилишини, шунингдек бошқа чораларни, шу жумладан ҳарбий операцияларни амалга ошириш билан таҳдид қилди.

Расмийларнинг сўзларига кўра, портлашдан кейин Жанубий Корея чегара назоратини кучайтирди ва қўшинларни юқори тайёргарликка келтирди.

Портлатилган почта алоқаси бўлими 2018 йил сентябрь ойида КХДР ва Жанубий Корея раҳбарлари ўртасидаги музокаралар чоғида кореялараро алмашинув ва ҳамкорликни ривожлантириш мақсадида очилганди. Бўлим коронавирус пандемияси билан боғлиқ хавотир туфайли январь ойининг бошида ўз фаолиятини тўхтатган.