Келгуси йилда Қозоғистонда 20дан ортиқ қонун лойиҳаси ишлаб чиқилади

ASTANA. Kazinform - Қозоғистон Республикаси Адлия вазири Қанат Мусин Ҳукуматнинг 2023 йилга мўлжалланган қонун ижодкорлиги режаси лойиҳасини тақдим этди, деб хабар бермоқда Kazinform мухбири.

«Адлия вазирлиги томонидан давлат органларининг тавсиялари билан Ҳукуматнинг 2023 йилга мўлжалланган қонун ижодкорлиги ишлари режаси лойиҳаси тайёрланиб, жорий йилнинг 15 сентябрдаги Қонунчилик фаолияти бўйича идоралараро комиссия томонидан маъқулланган»

, — деди вазир бугунги Ҳукумат мажлисида.

Дастлаб, режа лойиҳасида 34 та қонун лойиҳасини ишлаб чиқиш ва Парламентга киритиш кўзда тутилган. Кейинроқ Президент Администрациясининг фикр-мулоҳазалари билан режа лойиҳаси ишлаб чиқилди.

Хусусан, қонун лойиҳаларини парламентга киритиш муддатлари қайта кўриб чиқилди, шунингдек, концепциялари тегишли муҳокамани талаб қиладиган бир қатор ташаббуслар олиб ташланди.

«Бундан ташқари, марказсизлаштириш бўйича 2 та қўшимча қонун лойиҳаси киритилди. Юқоридагиларни ҳисобга олган ҳолда, ишлаб чиқилган Режа лойиҳасида 24 та қонун лойиҳасини ишлаб чиқиш кўзда тутилган бўлиб, улардан биринчи ярим йилликда 13 та қонун лойиҳасини, иккинчи ярим йилликда эса 11 та қонун лойиҳасини парламент муҳокамасига киритиш режалаштирилган. Айрим қонун лойиҳалари Идоралараро комиссия томонидан маъқуллангандан кейин режа лойиҳасига киритилади. Масалан, Бюджет кодекси, Шаҳарсозлик кодекси, «Оммавий ахборот воситалари масалалари тўғрисида»ги қонун лойиҳаси ва бошқалар»

, — деб тушунтирди Адлия вазири.

Муаллиф: Айжан Серикжанқизи