Келес туманида қиймати 1 миллиард тенге бўлган лойиҳалар ишга туширилади

TURKISTAN. Kazinform – Келес туманида «Индустрия инновацион ривожланиш» давлат дастури доирасида тадбиркорликни қўллаб-қувватлаш харитаси учун 1 млрд тенге миқдорида 2020-2021 йилларда 3 лойиҳани ишга тушириш режалаштирилган. Иккита йирик лойиҳа амалга оширилди, деб хабар беради Kazinform Туркистон вилояти ҳокимлиги матбуот хизматига асосланиб.

Шунингдек, жорий йилда темир-бетон буюмлари ишлаб чиқарадиган заводни ишга тушириш режалаштирилган. Икки лойиҳа доирасида жами 100 киши иш билан таъминланди.

Айни пайтда «Индустрия инновацион ривожланиш» давлат дастури асосида Биртилек овул округи ҳудудидан қиймати 227,4 миллион тенге бўлган темир-бетон маҳсулотларини ишлаб чиқариш заводи қурилмоқда. Завод ишга туширилгач, яна 30 кишини доимий иш билан таъминлайди. Ҳозирда ер қаъридан фойдаланишга рухсатномалар олинган ва ер участкасини текислаш ва ёритиш ишлари якунланган. Ускуналар ўрнатилмоқда.

Келес туманида кичик бизнес жадал ривожланмоқда, бу туман бюджетини тўлдиришга катта ҳисса қўшмоқда. Ўтган йили саккиз мингдан зиёд кичик бизнесда 11 мингдан ортиқ киши ишлаган ва 21 миллиард тенгега маҳсулот ишлаб чиқарилган. Ҳаммаси бўлиб 250 миллион тенгегача бюджетга тушган. Бизнес субъектлари 97 фоиздан кўпроғи доимий равишда ишлайди.