Кексалар куни: Қозоғистонда 200 мингдан ортиқ нафақахўрларга бир марталик моддий ёрдам берилади

NUR-SULTAN. Kazinform – Қозоғистонда 216,7 минг нафақахўрга бир марталик моддий ёрдам берилади. Бу ҳақда Kazinform ҚР Меҳнат вазирлиги матбуот хизматига асосланиб хабар беради.

Кексалар куни доирасида Нур-Султанда, шунингдек, Ақмола, Ақтўбе, Атирау, Қарағанди, Манғистау, Павлодар, Шимолий Қозоғистон ва Туркистон вилоятларининг айрим ҳудудларида 2,3 миллиард тенга миқдорида бир марталик моддий ёрдам 216,7 минг кишига кўрсатилади.

Таъкидлаш жоизки, мамлакатда 2 миллиондан ортиқ нафақахўр яшайди. Ижтимоий сиёсатнинг асосий вазифаларидан бири ҳар бир фуқаронинг муносиб кексаликка эга бўлишини таъминлашдир.

Муаллиф: Руслан Ғаббасов