Қайси давлатлар Қозоғистонга гуманитар ёрдам кўрсатди

NUR-SULTAN. Kazinform – Коронавирус билан курашиш учун 15дан ортиқ мамлакат Қозоғистонга гуманитар ёрдам юборди. Бу ҳақда Қозоғистон ташқи ишлар вазирининг ўринбосари Ержан Ашиқбаев маълум қилди, дея хабар беради Kazinform мухбири.

«Ташқи ишлар вазирлиги Соғлиқни сақлаш вазирлиги билан биргаликда эпидемия бошлангандан бери мамлакатимизга халқаро шерикларимиз томонидан тегишли хайрия ёрдамини кўрсатиш бўйича иш олиб бормоқда. Албатта, биринчи навбатда, бизнинг шерикларимиз - Хитой, АҚШ, Россия, БАА, Япония, Туркия, Жанубий Корея, Қатар, Ўзбекистон ва бошқа кўплаб мамлакатларга, ЖССТ каби халқаро ташкилотларга, компанияларга, хорижий хайрия ташкилотлари ва жисмоний шахсларга хайрия ёрдами учун самимий миннатдорчилигимизни билдирмоқчиман», - деди Ержан Ашиқбаев, мамлакатимизга инсонпарварлик ёрдами кўрсатган 15 дан ортиқ давлат мавжудлигини таъкидлади.

Шу билан бирга, ташқи ишлар вазирининг ўринбосари инсонпарварлик ёрдами билан боғлиқ бир қанча омилларни таъкидлади.

«Биринчидан, эпидемия глобал миқёсга эга бўлганидан кейин биз ўз вазифамизни бажараяпмиз. Бироқ, энг катта жавобгарлик Соғлиқни сақлаш вазирлиги, соғлиқни сақлаш тизимидаги ҳамкасбларимизга тушиши аниқ», - деди у.

Унга кўра, инсонпарварлик ёрдами сифатида 5 миллион 200 минг тиббий ниқоб, 98 та ўпкани сунъий шамоллатиш мосламаси, 260 мингта тест, 3000 мингга яқин тепловизор ва термометр етказиб берилган.

Муаллиф: Марлан Жиембай