Қаттиқ иссиқ туфайли Қозоғистоннинг 10 ҳудудида огоҳлантириш эълон қилинди

NUR-SULTAN. Kazinform – 28 июн куни Қозоғистоннинг аксарият қисмида қаттиқ иссиқ бўлиши кутилмоқда, деб хабар беради Kazinform «Қазгидромет» РДКга асосланиб.

28 июн куни Алмати вилоятининг тоғли ҳудудларида куннинг иккинчи ярмида вақти-вақти билан ёмғир ёғиши, момақалдироқ бўлиши, дўл ёғиши кутилмоқда.

28-30 июн кунлари Жамбил вилоятининг тоғли ва тоғ олди ҳудудларида момақалдироқ, дўл ёғиши кутилмоқда. Ҳудуднинг аксарият қисмида 38 даражагача кучли иссиқлик кутилмоқда, бу ёнғин учун жуда хавфли.

Қизилўрда вилоятида 40-42 даражагача кучли иссиқлик кутилмоқда, ўта юқори ёнғин хавфи сақланиб қолмоқда.

28-29 июн кунлари Атирау вилояти жанубида жуда кучли иссиқлик 42 даражагача етади. Ёнғин хавфи катта бўлиши кутилмоқда.

Қарағанди вилоятида эртага баъзи жойларда момақалдироқ бўлиши мумкин. 28-29 июн кунлари кундузи баъзи жойларда 35-38 даража иссиқ бўлиши кутилмоқда. Баъзи жойларда ўта юқори ёнғин хавфи сақланиб қолмоқда.

Жезқазғанда 35-38 даражагача кучли иссиқлик кутилмоқда.

28 июн куни Ақмола вилоятида жойларда момақалдироқ бўлиши кутилмоқда.

Ақтўбе вилоятида баъзи жойларда момақалдироқ бўлиши кутилмоқда, шимолдан, шимоли-ғарбдан эсган шамол тезлиги 15-20 м/с гача етиши мумкин. Кучли иссиқлик 38 даражагача сақланиб қолади, ёнғин хавфи жуда юқори.

Костанай вилоятида 36 даражагача кучли иссиқлик кутилмоқда. Баъзи жойларда ёнғин хавфли даражада юқори.

Ғарбий Қозоғистон вилоятида жойларда момақалдироқ бўлиши мумкин, дўл ёғиши кутилади. Кундузи баъзи жойларда 42 даражагача иссиқ бўлади.