Қатар-2022: Жаҳон чемпионати финалининг ҳаками аниқланди

ASTANA. Kazinform – Қатарда бўлиб ўтаётган футбол бўйича жаҳон чемпионати финалида польшалик Шимон Марциняк бош ҳакам сифатида ишлайди, деб хабар беради Kazinform мухбири.

Жаҳон чемпионати финалида Аргентина ва Франция терма жамоалари тўқнаш келишади.

Ушбу ўйинга Шимон Марциняк бош ҳакам этиб тайинланди. Унга ҳамюртлари Павел Сокольницкий ва Томаш Листкевич ёрдам беришади.

Польшалик ҳакам финалда тўқнаш келадиган ҳар икки жамоанинг олдинги ўйинларида ишлаган. У гуруҳ босқичининг 2-турида Франция – Дания (2:1), 1/8 финалда Аргентина – Австралия (2:1) ўйинларини бошқарган.

Финалдаги Аргентина ва Франция терма жамоалари ўртасидаги учрашув 18 декабр куни Астана вақти билан соат 21:00да «Qazaqstan» ва «Qazsport» телеканаллари орқали жонли эфирда намойиш этилади.

Муаллиф: Адилжан Умбет

Фото AFP