Қатар-2022: Испания терма жамоаси бош мураббийи ўзгарди

ASTANA. Кazinform - Қатарда бўлиб ўтган жаҳон чемпионатида иштирок этган Испания терма жамоаси бош мураббийи ўзгарди, деб хабар беради Kazinform мухбири.

Испания футбол федерацияси хабарига кўра, испаниялик мутахассис Луис де ла Фуэнте терма жамоани ўз қўлига олди.

Бунгача де ла Фуэнте Испания ўсмирлар ва ёшлар терма жамоасини бошқарган.

Мутахассис Қатардаги жаҳон чемпионати якунланганидан сўнг ўз фаолиятини бошлайди. Янги бош мураббий жамоани келаси йилнинг март ойида 2024 йилги Европа чемпионати саралаш босқичида Норвегия ва Шотландияга қарши ўйинларга тайёрлайди.

Луис де ла Фуэнте бошчилигида Испания терма жамоаси Токио-2020 Олимпиадасида кумуш медални қўлга киритди.

Бунгача яна бир испаниялик Луис Энрике бош мураббийлик қилган. Испания терма жамоаси 1/8 финалда Марокашга пенальтилар сериясида мағлуб бўлгач, Л.Энрике ва бутун мураббийлар штаби кетишди.

Муаллиф: Ғайсағали Сейтақ