Қатар-2022: Франция - Марокаш учрашувида энг яхши футболчи деб топилган Антуан Гризманн рекордни янгилади
09:34, 15 Декабр 2022
ASTANA. Kazinform – Франция терма жамоаси ҳужумчиси Антуан Гризманн Қатарда бўлиб ўтаётган жаҳон чемпионатида Франция ва Марокаш ўртасидаги ярим финал учрашувида энг яхши футболчи деб топилди, дея хабар беради Kazinform мухбири.
Антуан Гризманн бу ўйинда ҳимоя билан бир қаторда ҳужум ташкил этиши билан ҳам ажралиб турди.
Умуман олганда, у ушбу чемпионатда энг яхши тўп узатувчи сифатида эътироф этилмоқда.
Шу билан бирга, А.Гризманн Франция терма жамоаси таркибида жаҳон чемпионатларида кетма-кет 18 марта майдонга тушган. Бу Франция тарихидаги энг узун серия.
Марокашни 2:0 ҳисобида мағлуб этган Франция 18 декабр куни финалда Аргентина билан ўйнайди.
Эслатиб ўтамиз, аввалроқ Месси Аргентина терма жамоасининг жаҳон чемпионатларида энг яхши тўпурарига айлангани ҳақида ёзган эдик.
Шунингдек, энг яхши футболчи Месси жаҳон чемпионатлари рекордини ўрнатди.
Муаллиф: Ғайсағали Сейтақ