Қасим-Жомарт Тоқаевни қўллаб-қувватловчи республика жамоат ҳаракати тузилди
Жамоат ҳаракатни яратиш ташаббуси Мереке Қулкенов, Райимбек Баталов, Акберен Елгезек, Сергей Пономарев, Бекнур Қисиқов, Даурен Қуат, Даулеткерей Капули, Адил Ахметов, Назгул Қарабалина, Марат Шибутов ва бошқа таниқли жамоат, сиёсий, маданий ва спорт арбоблари, зиёлилар ва ишбилармон доиралар вакиллари, жамоат ташкилотлари раҳбарларидан чиқди.
«Умуман олганда, 2019 йилда бошланган Президент ислоҳотлари босқичма-босқич амалга оширилмоқда. «Қайғули январ воқеаси»дан кейин жамиятни демократлаштириш ва либераллаштириш жараёнлари жадал давом этмоқда. Бинобарин, бу ўзгаришларнинг марказида фуқаролик жамияти бўлиши керак, деб ҳисоблаймиз. Ҳаракатимиз ташвиқот учун эмас, жараёнларда иштирок этиш учун яратилган. Биз энди ислоҳотларни қўллаб-қувватлашимиз ва бу муҳим даврни охирига етказишимиз керак», — деди Қозоғистон Ёзувчилар уюшмаси раисининг биринчи ўринбосари Акберен Елгезек.
Президентни қўллаб-қувватловчи жамоат ҳаракати юридик ташкилот эмаслигини ҳам айтди.
«Жамоатчилик ҳаракати юридик ташкилот сифатида рўйхатга олинмаган. Бугунги йиғилишда иштирок этаётган фуқаролар республиканинг барча ҳудудларидан тўпланишди. Келгусида барқарорлик, ёруғ келажак тарафдори бўлган бошқа фуқаролар ҳам сафимизга қўшилишига ишонамиз. Мақсадимиз Ватанимизни ободонлаштириш, юртимиз келажагини ёруғ қилиш экан, туб ўзгаришлар ташаббускори бўлган Давлат раҳбари Қасим-Жомарт Тоқаевни барчамиз қўллаб-қувватлашимиз керак», - деди шоир.
Шу билан бирга, мазкур ҳаракат вакиллари жамиятга мурожаат эълон қилди.
«Биз сизни ғоя атрофида тўпланишга таклиф қиламиз. Мамлакатимизнинг сиёсий ва иқтисодий ислоҳоти – Янги Қозоғистон сари йўл. Биз ислоҳот тарафдорлари қанча эканлигини кўрсатиш учун бирлашмоқчимиз. Бизнинг кўп эканимиз аниқ. Албатта, шу йўл билан ким олдинга интилишни истамаслигини, ким яширин ёки ошкора эски Қозоғистонни орзу қилаётганини билиб оламиз. Танлов қилиш вақти келди», - деди жамоатчилик вакиллари ўз мурожаатида.
Муаллиф: Думан Арғингелди