Қасим-Жомарт Тоқаевга ижтимоий-иқтисодий ривожланиш бўйича ҳисобот берилди

NUR-SULTAN. Kazinform – Президент Қасим-Жомарт Тоқаев бош вазир ўринбосари – молия вазири Ерулан Жамаубаевни қабул қилди, дея хабар бермоқда Kazinform Ақорда расмий сайтига таяниб.

Давлат раҳбари Ҳукуматнинг молия-иқтисодий соҳадаги фаолиятининг асосий йўналишлари тўғрисидаги маърузасини тинглади.

Президент топшириғига асосан божхона маъмуриятчилигини такомиллаштириш юзасидан кечиктириб бўлмайдиган ва тизимли чора-тадбирлар кўрилаётгани, пул маблағларининг хорижга қайтарилиши ва жиноий фаолиятдан олинган даромадларни легаллаштиришга қарши курашишнинг аниқ механизмлари ишлаб чиқилаётгани таъкидланди.

Қасим-Жомарт Тоқаевга давлат молиясининг бугунги ҳолати, умуман, мамлакат ижтимоий-иқтисодий ривожланиши ҳақида маълумот берилди.

Ерулан Жамаубаев иқтисодиётни монополиядан чиқариш ва 2022 йилги республика бюджетини аниқлаштириш бўйича амалга оширилаётган ишлар тўғрисида маъруза қилди.

Йиғилиш якунида Президент қатор аниқ топшириқлар берди.