Қасим-Жомарт Тоқаев Туркия Президентини Республика куни билан табриклади

29 Октябрь, 09:31
Қасим-Жомарт Тоқаев Туркия Президентини Республика куни билан табриклади

ASTANA. Kazinform – Қасим-Жомарт Тоқаев Туркия Республикаси Президенти Режеп Таййип Эрдоғанни ва бутун турк халқини Туркия Республикаси куни билан табриклади, дея хабар беради Kazinform Ақорда расмий сайтига таяниб.

«Миллий бирлик ва ҳамжиҳатликнинг яққол ифодаси, ҳуррият ва бунёдкорликнинг бетакрор тимсоли бўлган бу куннинг юрт тарихида алоҳида ўрни борлиги шубҳасиз. Бу қадриятларни дунёга келтирган Анадолу мамлакати - бугунги кунда глобал миқёсдаги ютуқлари бутун дунёда эътироф этилган қатъий ва обрўли давлатдир. Буларнинг барчаси мамлакатни бошқаришдаги бой тажрибангиз, оқилона сиёсатингиз, меҳнатсеварлигингиз ва бетакрор шахсингиз самараси, деб биламан. Шу ўринда, Сизнинг оқилона раҳбарлигингиз остида она Ватанингизнинг жаҳондаги мавқеи бундан кейин ҳам юксалиб, халқингиз фаровонлиги янада ортиб боришини тилайман», - дейилади Қозоғистон Президенти телеграммасида.

Қасим-Жомарт Тоқаев 30 йил аввал Қозоғистон ва Туркия ўртасида дипломатик муносабатлар ўрнатилгани, бугунги кунда ҳамкорлигимиз кенгайтирилган стратегик шериклик руҳида жадал ривожланиб бораётганини таъкидлади.

Давлат раҳбари, шунингдек, Туркия Президентига масъулиятли фаолиятида улкан муваффақиятлар, оиласи ва яқинларига фаровонлик, бутун турк халқига тинчлик ва фаровонлик тилади.
Ўхшаш янгиликлар

Янгиликлар