Қасим-Жомарт Тоқаев Парламент Мажилиси раисини қабул қилди

NUR-SULTAN. Kazinform – ҚР Президенти Қасим-Жомарт Тоқаев Парламент Мажилиси раиси Ерлан Қошановни қабул қилди. Мажилис спикери президентга конституциявий ислоҳотларни янада амалга ошириш бўйича амалга оширилаётган қонунчилик ишлари ҳақида маълумот берди, деб хабар беради Kazinform Ақорда расмий сайтига таяниб.

Парламент қуйи палатаси спикери Президентга парламент депутатлари ва «AMANAT» партияси аъзолари томонидан референдумнинг аҳамиятини тушунтириш бўйича тарғибот-ташвиқот ишлари давомида фуқаролардан 20 мингдан ортиқ мурожаат тўпланганини маълум қилди. Қозоғистон халқи томонидан билдирилган барча таклиф ва масалалар ҳукумат билан биргаликда ишлаб чиқилади ва қонун ижодкорлиги жараёнида ҳисобга олинади.

Ерлан Қошанов Қасим-Жомарт Тоқаевга Қозоғистон делегацияси 6 июн куни Ереванда бўлиб ўтган КХШТ Парламент Ассамблеяси Кенгашининг сайёр йиғилишида иштирок этганини айтди.

Парламент ассамблеясида халқаро ва минтақавий даражадаги хавфсизлик муаммоларини ҳал қилиш учун БМТ доирасида КХШТ тинчликпарвар салоҳиятини ривожлантириш масалалари муҳокама қилинди.