Қасим-Жомарт Тоқаев оператив штаб йиғилишини ўтказди
10 Январь 13:03

Қасим-Жомарт Тоқаев оператив штаб йиғилишини ўтказди

NUR-SULTAN. Kazinform - Қозоғистон Президенти Қасим-Жомарт Тоқаев раислигида видеоконференция шаклида оператив штабининг навбатдаги йиғилиши бўлиб ўтди, деб хабар беради Ақорда расмий сайти.

Йиғилишда Бош прокурор, Миллий хавфсизлик қўмитаси раиси, Ички ишлар ва Мудофаа вазирлари вазифасини бажарувчиларнинг маърузалари тингланди.

Президентга ҳуқуқ-тартибот органлари ва Қуролли Кучлар томонидан мамлакатда вазиятни барқарорлаштириш борасида амалга оширилаётган фаол чора-тадбирлар ҳақида маълумот берилди. Аҳоли ва транспорт воситаларини текшириш, шунингдек, стратегик объектлар устидан назорат ўрнатиш мақсадида аҳоли пунктлари ҳудудида 93 та назорат пункти ўрнатилди.


Қасим-Жомарт Тоқаевга қонунга бўйсунмаслик, энг муҳим ва стратегик объектларга ҳужум қилиш ҳолатларининг олди олингани маълум қилинди. Алматидаги «Барлиқ» ва «Алтин Ўрда» бозорларида тозалаш ишлари олиб борилаётган вақтда 207 киши қўлга олинди. Улардан ўғирланган 5 та автомашина, қурол-яроғ, ўқ-дорилар ва қалқонлар мусодара қилинди.

Пойтахтда профилактика чоралари кўрилмоқда. Унинг давомида ҳовлилар ва хонадонлар тинч бўлади, шунингдек, кечаю кундуз патрул хизмати амалга оширилади. Умуман, мамлакат бўйлаб фавқулодда ҳолат тартибини бузганлик учун 1,5 минг киши жавобгарликка тортилди.


Давлат раҳбарига ҳозирда асосий саъй-ҳаракатлар террорчиларни аниқлаш ва қўлга олиш бўйича тезкор чора-тадбирларга қаратилаётгани маълум қилинди.

Қасим-Жомарт Тоқаев мамлакатда жамоат тартиби ва хавфсизлигини тиклаш бўйича ишларни давом эттириш, шунингдек, бу ишлар бўйича информацион қўллаб-қувватлашни кучайтириш юзасидан топшириқ берди.


Янгиликлар

Архив