Қасим-Жомарт Токаев қозоғистонликларни Давлат рамзлари куни билан табриклади

ASTANA. Kazinform – ҚР Президенти Қасим-Жомарт Тоқаев ўзининг Twitterдаги саҳифасида Давлат рамзлари куни муносабати билан табрик йўллади.

«Барча юртдошларимни Давлат рамзлари куни билан табриклайман! Кўк байроғимиз, Давлат герби ва мадҳияси мамлакатимиз учун алоҳида аҳамиятга эга. Бу қадриятлар бизда катта ғурур ва масъулият туйғуларини уйғотади. Давлат рамзларини улуғлаш ҳар бир фуқаронинг бурчидир! – деб ёзилган табрик сўзида.

Таъкидлаш жоизки, бу йил Давлат рамзлари қабул қилинганига 31 йил тўлди.