Қасим-Жомарт Тоқаев Қозоғистон халқини Наврўз байрами билан табриклади

ALMATY. Кazinform - Президент Қасим-Жомарт Тоқаев Алмати шаҳридаги Астана майдонида ўтказилган байрам тадбирида иштирок этиб, барча қозоғистонликларни Наврўз байрами билан табриклади, дея хабар беради Kazinform мухбири.

Давлат раҳбари ушбу байрам азалдан эзгулик ва бунёдкорлик улуғланадиган улуғ байрам бўлиб келганини таъкидлади.

– Аждодларимиз кеча-кундуз тенглашиб, бутун табиат янгиланадиган Наврўз байрамини кенг нишонлашга алоҳида эътибор қаратган. Йил боши Улуснинг улуғ куни сифатида нишонланади. Наврўз – фаровонлик, ҳамжиҳатлик, чинакам меҳр-оқибат ва ўзаро ғамхўрлик байрамидир. Бугун мен сизлар билан байрамни нишонлаш учун Алматига келдим. Алмати – мустақиллигимизнинг олтин бешиги. Халқимизга қайтган Улуснинг улуғ куни шодиёналари ана шу муқаддас даргоҳдан бошланди. Алмати қозоқ халқининг маънавий, маданий ва ишбилармонлик марказидир. Бу ерда зиёлилар, санъат, таълим, илм-фан, бизнес вакиллари жамланган, – деди Президент.

Муаллиф: Руслан Ғаббасов