Қасим-Жомарт Тоқаев Қозоғистон халқини Мустақиллик куни билан табриклади
«Энг аввало барчангизни кириб келаётган муқаддас Мустақиллик куни билан чин қалбимдан муборакбод этаман! Бу суверен мамлакатимизнинг мартабасини улуғ қилган байрамдир. Биз учун Мустақилликдан муҳим қадрият йўқ. Уни эъзозлаш ҳозирги авлоднинг вазифасидир. Шу ўринда Елбасы Нурсултон Назарбоевнинг бебаҳо хизматларини унутмаслик лозим. Биринчи Президентимиз – давлатимизга асос солган, жаҳон миқёсидаги тарихий шахс», - деди Давлатимиз раҳбари.
Қозоғистон Президенти Мустақилликни янада мустаҳкамлаш учун иқтисодиётни кучайтириб, ишлаб чиқариш ҳажмини ошириш эканлигига урғу берди.
«Ана шундагина ёрқин келажакка йўл очилади. Давлат юртимизни ривожлантиришга ҳисса қўшган бизнес вакилларининг меҳнатини унутмайди. Бу борада Биринчи Президентимизнинг ташаббуси билан индустриялаштириш кунини нишонлаш яхши анъанага айланганини мисол келтириш мумкин. Елбасы индустриал-инновацион тараққиёт йўлини ватанимиз иқтисодиётининг асосий йўналиши сифатида танлаб олди. Иқтисодиёти ривожлангани сари юртимизнинг пойдевори ҳам мустаҳкам бўлади. Шу йўлда катта ишлар амалга оширилмоқда. Уларнинг барчаси Қозоғистонни ривожланган 30та мамлакат қаторига қўшиш учун қилинмоқда», - деди Қасим-Жомарт Тоқаев.
Муаллиф: Марлан Жиембай