Қариялар куни муносабати билан 58,6 минг қарағандилик кексаларга моддий ёрдам кўрсатилади

29 Сентябрь, 10:26
Қариялар куни муносабати билан 58,6 минг қарағандилик кексаларга моддий ёрдам кўрсатилади

QARAǴANDY. Kazinform – Халқаро қариялар куни муносабати билан Қарағанди вилоятида 58,6 минг киши бир марталик моддий тўловларни олади, деб хабар беради Kazinform мухбири.

Вилоят аҳолисига бир марталик ёрдам кўрсатиш учун 460 миллион тенге ажратилган бўлса, шундан 45 миллионга яқини бюджетдан ташқари маблағлардир.

Жамоат ташкилотлари ва жамғармалар томонидан вилоятдаги кексалар учун хайрия тадбирлари ўтказилмоқда. Байрам тадбирлари ҳам режалаштирилган. Шаҳар ва туманларда оммавий тадбирлар, кўрик-танловлар ташкил этилмоқда.

«Аҳолининг ижтимоий ҳимояга муҳтож қатламларига озиқ-овқат саватлари ва кийим-кечак кўринишида ёрдам кўрсатилмоқда. Хусусий сектор аҳолисига келгуси иситиш мавсуми учун кўмир ва ўтин сотиб олишда ёрдам берилади»,- дея хабар берди Қарағанди вилояти бандликни мувофиқлаштириш ва ижтимоий дастурлар бошқармаси.

Муаллиф: Агата Мухамеджанова

Янгиликлар