Қўқонда Туркий кенгаш мамлакатлари сайёҳлик йўналишларини ишлаб чиқиш таклиф қилинди

QO’QON. Kazinform - Қозоғистон Республикаси Маданият ва спорт ишлари вазири Ақтоти Раимқулова Туркий Кенгаш туризм вазирларининг VI йиғилиши доирасида трансчегаравий туризм лойиҳаларини яратиш ва уларни янада тарғиб қилиш зарурлиги тўғрисида гапирди, деб хабар беради Kazinform махсус мухбири.

Вазирнинг таъкидлашича, туризм соҳаси пандемия оқибатларидан энг кўп зарар кўрган соҳалардан бири сифатида тан олинган, бу эса Туркий Кенгаш мамлакатлари ҳукуматларининг тикланиш учун биргаликдаги саъй-ҳаракатларини талаб қилади.

«Ҳамкорлигимизнинг асосий йўналиши қўшма сайёҳлик дастурларини, шу жумладан Буюк Ипак йўли йўналишлари бўйлаб шакллантиришга қаратилган. Ушбу йўналишда бирлаштирилган туристик маршрутларни биргаликда ривожлантириш, шунингдек, туризм соҳаси учун мутахассислар тайёрлаш соҳасида ҳамкорлик катта стратегик аҳамиятга эга», - деди А.Раимқулова.

У Алмати - Тараз - Чимкент - Туркистон - Тошкент - Самарқанд - Бухоро - Хива шаҳарлари орқали ўтадиган «Буюк Ипак йўли» трансчегаравий сайёҳлик йўналишининг Ўзбекистон билан қўшма лойиҳаси ҳақида гапирди.

«Келгусида биз Қозоғистон Республикаси ва Ўзбекистон Республикасининг ушбу маршрутини Туркий Кенгашнинг қолган мамлакатлари билан ягона трансчегаравий лойиҳа доирасида бирлаштиришни таклиф этамиз. Шунингдек, туроператорларни лойиҳага жалб қилишнинг янги стратегиясини ишлаб чиқишни мақсадга мувофиқ деб биламиз. Муваффақиятли мисоллар аллақачон мавжуд. Масалан, Қозоғистон, Ўзбекистон, Тожикистон ва Қирғизистон сайёҳлик жамоалари томонидан «Амир Тимур изидан» қўшма 13 кунлик сайёҳлик маршрути ишлаб чиқилди ва Марказий Осиё минтақавий дастури «Tourism Ring of Central Asia» яратилди«, - дея қўшимча қилди вазир.

Ақтоти Раимқулованинг сўзларига кўра, «ягона яшил йўлак«ни қуриш учун визасиз режим йўлга қўядиган мамлакатлар рўйхатларини биргаликда кенгайтириш керак, шунда сайёҳлар бирлашган турларда эркин саёҳат қилишлари мумкин.

»Шунингдек, бизнинг мамлакатларимиз ЮНЕСКО ва Европа Иттифоқининг «Афғонистон, Марказий Осиё ва Эронда Ипак йўли мероси коридорлари - Европа маданий мероси йилининг халқаро жиҳатлари « ҳамкорлик лойиҳасида фаол иштирок этиб, «Марказий Осиёда бутунжаҳаҳон Ипак йўли сайёҳлик йўналишларини ривожлантириш» платформасини яратилади, - деди А.Раимқулова.

Бугун Қўқонда Туркий Кенгаш Бош котиби Бағдод Амреев, Қозоғистон, Ўзбекистон, Қирғизистон, Озарбайжон, Туркия, Венгрия туризм вазирлари иштирокида Туркий тилли давлатлар ҳамкорлик кенгаши туризм вазирларининг VI йиғилиши бўлиб ўтди.

Муаллиф: Мадибек Жанибеков