Кўчманчилар ўйинларида қозоғистонлик Марат Ниғматуллаев илк олтин медални қўлга киритди

None
IZNIK. Кazinform - Марат Ниғматуллаев Туркиянинг Изник шаҳрида бўлиб ўтаётган Жаҳон кўчманчилар ўйинларида қозоқ кураши бўйича чемпион бўлди, деб хабар беради Kazinform мухбири.

60 килограмм вазн тоифасида иштирок этаётган қозоғистонлик полвон финалда мўғулистонлик полвонни мағлуб этди.

У рақибини атиги икки дақиқада «тоза ғалаба» усулида енгди.

Айтганча, қозоқ кураши совринларининг олти вазни баҳоланади. Энди гиламчага Мақсат Исағабилов (80 кг дан юқори) ва Еламан Қойшибаев (80 кг) чиқади.

Аёлларда эса Рауза Нурмахаметова (55 кг), Зарина Сарипова (65 кг) ва Молдир Азамат (65 кг дан юқори) юрт шарафини ҳимоя қилади.

Қозоқ кураши баҳсларига дунёнинг йигирмага яқин давлатидан 60 нафардан зиёд полвон ташриф буюрди. Улардан 19 нафари хотин-қизлар ўртасида беллашади.

Шунингдек, бугун қозоғистонлик спортчилар кўпкари ва кўкбўри бўйича баҳсларга киришади.

Кўчманчилар ўйинларига дунёнинг 102 давлатидан 3000 дан ортиқ спортчи ташриф буюрди. Мусобақада Қозоғистон номидан 50 нафар спортчи кўпкари, кўкбщри, қозоқ кураши, анъанавий камондан отиш, ёмби отиш бўйича ғолиблик учун куч синашмоқда.

Эслатиб ўтамиз, Канат Қасимхан юқорида тилга олинган мусобақада анъанавий камондан отиш бўйича кумуш медални қўлга киритган эди.

Муаллиф: Адилжан Умбет


Сўнгги хабарлар