Ижтимоий тармоқларда яна бир кенг кўламли узилиш юз берди: Носозликлар тузатилди

NUR-SULTAN. Kazinform- Американинг Facebook компанияси илгари ўзининг Instagram ва Facebook ижтимоий тармоқлари ишида узилишлар келтириб чиқарган муаммоларни бартараф этди, деб ёзади Kazinform TASSга таяниб.

«Сўнгги бир неча соат ичида бизнинг ижтимоий тармоқларимизга кира олишмади. <...> Биз муаммони ҳал қилдик, бу ҳафта сабр-тоқатингиз учун яна бир бор раҳмат», - дейилади компания жума куни ўз Twitter саҳифасида.

Аввалроқ, жума куни бутун дунё бўйлаб фойдаланувчилар, Downdetector хизмати маълумотларига кўра, Instagram ва Facebook ижтимоий тармоқлари ишининг узилишидан шикоят қилишган.

4 октябр куни Facebook, Instagram ва WhatsАpp ижтимоий тармоқларида кенг кўламли узилишлар қайд этилди. Мутахассислар 4 октябр, душанба куни ишдан чиққан кўплаб сайтлар ва иловаларни Facebook муаммолари натижасида DNS йўриқнома юкланишининг умумий ўсиши билан изоҳладилар.