Италияда коронавирусдан вафот этганлар сони 100дан ошди

RIM. ANSA - Kazinform - Италияда коронавирус билан касалланганлар сони чоршанба куни 2706 кишига этди, бу аввалги кунга нисбатан 443 кишига кўп. Бу ҳақда Kazinform ANSAга таяниб хабар беради.

Италия фуқаролар ҳаётини ҳимоя қилиш миллий хизмати раҳбари Анжело Борреллининг сўзларига кўра, мамлакатда эпидемия оқибатида ҳалок бўлганлар сони 107 кишини ташкил қилди. 276 киши даволаниб чиқди. Бу сешанба кунги кўрсаткичдан 116 тага кўп. Соғайиб кетганлар сонининг ўсиш суръати 72,5%ни ташкил этди. Бу сўнгги бир неча кун ичидаги энг юқори кўрсаткичдир.

Реанимация бўлимида тахминан 297 киши ётибди. Борреллининг айтишича, 1346 киши касалхонага ётқизилган, 1065 киши уй карантинида.

Италия ҳукумати коронавирус туфайли пайшанбадан март ойининг ўрталарига қадар мамлакатдаги барча мактаб ва университетларни ёпишга қарор қилди. Бу ҳақда Италия Таълим вазири Люция Аццолина маълум қилди.

Эслатиб ўтамиз, Италияда коронавируснинг илк қурбони 21 феврал куни қайд этилганди.