Италия жанубидаги кема ҳалокатида ҳалок бўлганлар сони 62 нафарга етди

ASTANА. Кazinform – Италия жанубидаги қирғоқларда муҳожирларни олиб кетаётган кема ҳалокатга учради, қурбонлар сони 100 нафардан ошиши мумкин. Улар орасида болалар ҳам бор. Бу ҳақда Kazinform ВВC агентлигига таяниб хабар беради.

Бу вақт ичида камида 62 киши вафот этгани аниқ. Улар орасида 12 нафар бола бор, улардан бири чақалоқ.

Кема якшанба куни Калабриянинг шарқий қирғоғида денгиз бўйидаги Стеккато Ди Кутро курорти яқинида ҳалокатга учради.

Бортида 200 га яқин одам бўлган кема қирғоқ яқинида парчаланиб кетди. Кемада Афғонистон, Покистон, Сомали, Сурия ва Эрон фуқаролари бўлган.

Италия расмийлари денгиз ва қуруқликда кенг кўламли қидирув-қутқарув операциясини олиб бормоқда. Ўт ўчирувчилар ва қутқарувчилар омон қолганларни қидирмоқда, аммо ёмон об-ҳаво ишни қийинлаштирмоқда.

«Бу вақтда 80 киши қутқариб олинди. Улар орасида кема чўкиб кетганидан сўнг қирғоққа сузиб чиққанлар ҳам бор», — дейилади соҳил қўриқлаш бошқармаси баёнотида.

Омон қолганлардан бири одам савдосида айбланиб ҳибсга олинган, дейилади божхона полицияси баёнотида.

Маълум бўлишича, кема одатдагидек денгизга Ливиядан эмас, Туркиядан чиққан.

Италиялик қутқарувчиларнинг сўзларига кўра, бу йўналиш Африкага қараганда анча кам машҳур. Бироқ бунгача Туркиядан келган кемалар денгиз орқали Грецияга етиб боришга ҳаракат қилган. Бироқ Греция расмийлари ўз сиёсатини кучайтирди ва энди муҳожирлар Италияга етиб бориш ниятида. Бу эса, ўз навбатида, йўлни чўзди ва шунга мос равишда манзилга ета олмаслик хавфи ортди.