Италия бош вазири истеъфога чиқиш ҳақида ариза берди

NUR-SULTAN. Кazinform - Италия бош вазири Марио Драги пайшанба куни мамлакат президенти Сержио Маттареллага истеъфога чиқиш тўғрисида янги ариза берди. Эрталаб парламент қуйи палатасида сўзга чиқиб, у сессияни тўхтатишни сўради ва давлат раҳбари ҳузурига боришини айтди, деб хабар беради Кazinform Euronewsга таяниб.

«Мен йиғилишни тўхтатишни сўрайман. Чунки мен ўз ниятим (истеъфо – таҳр.) ҳақида маълум қилиш учун республика президенти олдига бормоқчиман», — деди Драги.

Президент ушбу илтимосни инобатга олиб, ҳукуматга жорий вазифаларни бажариш бўйича топшириқ берди.

Бир кун аввал Сенат энг кам овоз билан Бош вазирга ишонч билдирган эди.

Уч партия – «5 юлдуз» ҳаракати, «Олға, Италия» ва ҳукмрон коалиция таркибига кирувчи «Лига» овоз беришда иштирок этишдан бош тортди ва унда сенаторларнинг ярмидан ками иштирок этди.

Ўтган ҳафта Драги истеъфога чиқиш ҳақида ариза берди, бироқ президент буни рад этди. Чунки расман ҳукумат парламентдаги кўпчиликнинг қўллаб-қувватлашини йўқотмади.

Ҳукмрон партиялардан бири «5 юлдуз» ҳаракати инфляция учун фуқароларга компенсация тўлаш тўғрисидаги қонун лойиҳасига овоз беришдан бош тортди, унинг қоидалари партия вакиллари билан келишилмаган, бу эса ҳозирги ҳокимият инқирозига олиб келди.

Фото: euronews.cоm