Исроил Эронни нефть танкерига ҳужум қилганликда айблади
«Ўтган ҳафта Эрон Форс кўрфазида нефть танкерига яна ҳужум қилди ва халқаро навигация эркинлигига путур етказди», - деди Нетаньяху вазирлар кабинетининг ҳафталик йиғилишида.
10 февралга ўтар кечаси Арабистон денгизида Либерия байроғи остида сузиб юрган «Campo Square»га Ҳиндистон ва Уммон қирғоқларидан 300 денгиз мили (555 км) узоқликда ҳужум уюштирилди.
Бу ҳақда Сингапурдан Амирликларнинг Фужайра портига йўл олган танкер капитани маълум қилди.
«Campo Square» кемаси Британиянинг «Zodiac Maritime» юк ташиш компанияси билан боғланган бўлиб, у исроиллик денгиз магнати Эял Оферга тегишли. Ўз навбатида, «Zodiac Maritime» танкерни Грециянинг «Eletson» компанияси бошқарганини айтди.
«Eletson» воқеани тасдиқлади, бироқ Эрон ҳарбий-денгиз кучлари алоқадорлигини рад этди.
«Eletson» Либерия байроғи остидаги «Campo Square» танкери билан бошқариладиган кемамиз билан боғлиқ воқеани тасдиқлайди. Балластда юк бўлмаган кема Араб денгизида, Ҳиндистон ва Уммон қирғоқларидан 300 денгиз милида бўлганида борт объектига урилган. Кема ҳам, экипаж ҳам хавфсиз ва режалаштирилган маршрутдан кетмоқда. Кемага озгина зарар етган», - дейилади «Eletson» баёнотида.
Айни вақтда Британиянинг «Ambrey Intelligence» денгиз хавфсизлиги компанияси учувчисиз ҳаво тизимлари Араб денгизида иккита танкер ва битта юк ташувчига ҳужум қилганини маълум қилди, дея хабар беради Reuters компания баёнотига таяниб. Иккинчисига кўра, ҳужум ортида Эрон турибди. Хабарда айтилишича, савдо кемаларининг иккитаси Исроилга, бири эса Бирлашган Араб Амирликларига тегишли эди.
Эрон бу воқеага изоҳ бермади. Теҳрон сўнгги бир неча йил ичида худди шундай ҳужумлар ортида тургани ҳақидаги айбловларни рад этади.
Ноябр ойида Исроил ва АҚШ Эронни Уммон қирғоқлари яқинида танкерга учувчисиз самолётлардан зарба берганликда айблаган эди.
Асосий фото: Maya Alleruzzo/Reuters
Иллюстрация: Fleetmon
Муаллиф: Арсен Ўтешев