Испания ва Португалия қаттиқ қурғоқчиликни бошдан кечирмоқда

NUR-SULTAN. Кazinform - Португалияда ёғингарчилик камлиги туфайли сўнгги 20 йил ичида энг кучли қурғоқчилик кузатилди. Расмийлар бу борада шошилинч чоралар кўрмоқда, дея хабар беради Кazinform Euronewsга таяниб.

Мамлакат марказидаги сув омборлари қуриб, фермерлар ва маҳаллий аҳоли хавотирда. Зезере дарёсининг соҳиллари чекинди. Мамлакатда ишлаб чиқарилаётган электр энергиясининг 30% га яқини ГЭСларда ишлаб чиқарилади, ҳозирда бешта станция ишламай турибди.

Бундан олдин ҳудуд 2017 йилда содир бўлган ўрмон ёнғинидан зарар кўрган эди.

Қўшни Испания ҳам қурғоқчиликдан азият чекмоқда. Январ ойида мамлакатда одатдаги ёғингарчиликнинг тўртдан бир қисмини ёққан. Айрим ҳудудларда қишлоқ хўжалигидаги сув ҳавзаларида сув танқислиги кузатилиб, улар атиги 45 фоизга тўлган. Галисия провинциясида ўтган асрда сув омбори остида ғарқ бўлган қишлоқ кўрина бошлаган.

Олимларнинг фикрича, бу қурғоқчилик иқлим ўзгариши оқибатларидан биридир.

Метеорологлар яқин кунларда вазият яхшиланмаслигидан огоҳлантирмоқда. Португалия ва Испания ҳукуматлари инқирозга қарши курашда кучларни бирлаштиришга қарор қилишди.