Ислом тараққиёт банки Қозоғистондаги қатор лойиҳаларга маблағ ажратишни давом эттирмоқчи

NUR-SULTAN. Кazinform – Давлат раҳбари Ислом тараққиёт банки президенти Муҳаммад Сулаймон ал-Жассерни қабул қилди, дея хабар беради Ақорда матбуот хизмати.

Президент Қасим-Жомарт Тоқаев Ислом тараққиёт банки раҳбари Муҳаммад Сулаймон ал-Жассер билан иқтисодиётнинг турли соҳаларида қатор қўшма лойиҳаларни амалга ошириш масалаларини муҳокама қилди.

Давлат раҳбари Қозоғистон МДҲ давлатлари орасида Ислом тараққиёт банки билан ҳамкорлик дастурини ишлаб чиққан биринчи давлат эканини эслатди. Алмати шаҳрида 25 йилдан кўпроқ вақт олдин жойлашган минтақавий офис Шарқий Европа мамлакатлари, МДҲ, Мўғулистон ва Хитойда банк операцияларини мувофиқлаштиради. Бу Қозоғистон ва Ислом тараққиёт банки ўртасидаги юксак аҳамият ва ўзаро ишонч муносабатларини англатади.

– Банкнинг кўп йиллар давомида Қозоғистон иқтисодиётини қўллаб-қувватлаб келаётганини юқори баҳолаймиз. Ислом тараққиёт банки ҳамкорлик йилларида мамлакатимиз иқтисодиётининг устувор тармоқлари ва ижтимоий лойиҳаларни амалга оширишга 1,6 миллиард доллардан ортиқ сармоя киритди, - деди Давлат раҳбари.

Ал-Жассер Давлат раҳбарига банкнинг инвестиция сиёсати ва истиқболдаги режалари ҳақида сўзлаб берди. Унинг сўзларига кўра, Ислом тараққиёт банки бизнес ва молия соҳасидаги лойиҳалар, шунингдек, инфратузилма ва коммуникацияларни модернизация қилиш учун маблағ ажратишни давом эттириш ниятида.

Фото: аqorda.kz