Ислоҳотларнинг энг муҳими сиёсий институтлар ўртасида мувозанат ўрнатилишидир – ҚР Давлат котиби
13:33, 03 Июн 2022
NUR-SULTAN. Kazinform – ҚР Давлат котиби Ерлан Қарин Конституцияга киритиладиган ўзгартиришлар ва унинг мамлакат тараққиёти учун аҳамиятини айтиб ўтди, дея хабар беради Kazinform referendum2022.kz Telegram каналига таяниб.
«Конституциявий ислоҳотларнинг асосий аҳамияти сиёсий институтлар ўртасидаги муносабатлар ўртасида мақбул мувозанатни ўрнатишдан иборат. Масалан, парламент мақоми оширилади, Ҳисоб қўмитаси Олий аудитор палатасига ўзгартирилади. Палата раиси йилига икки марта парламент олдида ҳисобот беради. Бу бюджет ижросини назорат қилиш функциясини кучайтиришга қаратилган»
, — деди Ерлан Қарин.
Давлат котиби Конституциявий суднинг ролини ҳам алоҳида таъкидлади. Унга ҳар қандай фуқаро мурожаат қилиши мумкинлиги айтилди. Инсон ҳуқуқлари бўйича вакил конституциявий мақомга эга бўлиб, ҳеч қандай давлат органига қарам эмаслигини таъкидлади.
Давлат котиби қозоғистонликларни референдумда фаол иштирок этишга чақирди.