Иш билан банд қозоғистонликлар сони қарийб 9 миллионга етди

ASTANА. Кazinform – 2022 йилнинг тўртинчи чорагида мамлакатда деярли 9 миллион киши иш билан таъминланган, бу ўтган йилга нисбатан 1,7 фоизга кўпдир. Шаҳарларда иш билан банд бўлганлар сони 4,6 фоизга ошиб, 5,5 миллион кишини ташкил этган бўлса, қишлоқ жойларда 3,5 миллион кишини ташкил этди. Бу ҳақда Kazinform Finprom.kzга таяниб хабар беради.

Барча ходимларнинг 94,5 фоизи асосий ягона ишда, 4,2 фоизи асосий ишда, шахсий томорқа ва қўшимча ишларда, яна 1,3 фоизи асосий ва қўшимча ишларда ишлаган.

Таълим даражаси бўйича 4 миллион киши олий ва олий ўқув юртидан кейинги, 4,4 миллион киши техник ва касб-ҳунар таълимига, 582,6 минг киши бошланғич, асосий, умумий ўрта маълумотга эга бўлган.

Иш билан банд бўлганларнинг 6,8 миллион нафари ходимлар, 1,6 миллион нафари якка тартибдаги тадбиркорлар, 498,1 минг нафари мустақил ишчилар, 19,8 минг нафари хусусий амалиётчилар, 5,8 минг нафари хўжалик ширкатларининг таъсисчилари (иштирокчилари) ва асосчилари, акциядорлари (иштирокчилари) бўлган жисмоний шахслардир.

Ҳудудий шароитда энг кўп иш билан банд бўлганлар Алматида: 1 миллион киши – ўтган йилга нисбатан 2,2 фоизга кўп.