Иш берувчилар эмланмаганларни компенсациясиз ишдан бўшатиши мумкин - Қозоғистон Бош меҳнат инспектори

NUR-SULTAN. Kazinform - Иш берувчилар эмланмаганларни компенсациясиз ишдан бўшатиши мумкин. Бу ҳақда Қозоғистон Бош давлат меҳнат инспектори Толеген Оспанқулов Марказий коммуникациялар хизматида бўлиб ўтган брифингда маълум қилди, деб хабар беради Kazinform мухбири.

«Эмлаш бугунги кунда жуда муҳим масала. Бизга жуда кўп саволлар келади. Бугун Соғлиқни сақлаш вазирлиги санитария нормасини эълон қилди. Бу норма душанбадан бошлаб кучга кирган. Худди шу қоидада иш берувчи эмланмаган одамни ишга қўймаслиги кераклиги кўрсатилган. Мажбурий вакцинани олмаганлар ПЗР текширувидан ўтишлари шарт «, - дейди меҳнат инспектори.

Экспертнинг фикрича, бу республика муаммоси.

«Меҳнат кодекси талабларига кўра, бугунги кунда иш берувчилар республика ёки вилоят бош санитария врачининг қарорига асосан эмланмаган ва ПЗР текширувидан ўтмаган ишчиларни ишга қабул қилмаслиги керак. Гарчи CОVID-19 билан касалланган одамнинг ишлашига рухсат берилмаслиги тўғрисида тўғридан-тўғри қоида бўлмаса-да, Меҳнат кодексининг 48-моддаси 1-қисмида қонун чиқарувчи ва давлат органлари чиқарган ҳужжатлар асосида чекловлар қўйилиши мумкинлиги айтилган. Яъни, Соғлиқни сақлаш кодексига кўра, Бош санитария врачининг буйруғини бажариш мажбурийдир. Шунинг учун, энди иш берувчилар эмланмаган ишчиларни чеклашга ҳақли. Ҳатто иш ҳақини тўламасдан ишдан бўшатиши мумкин. Aммо агар икки томонлама келишув бўлса, у иш ҳақининг 50 фоизини ёки энг кам иш ҳақини тўлаши мумкин. Лекин бу фақат ҳар икки томоннинг розилиги билан амалга оширилади», - деди Толеген Оспанқулов.

Муаллиф: Есимжан Нақтибай