Индонезияда Димаш Қудайберген ва Қозоғистон маданиятига бағишланган кўргазма бўлиб ўтди

NUR-SULTAN. Кazinform - Индонезия пойтахти Жакартада қўшиқчи Димаш Худойберген ва қозоқ маданиятига бағишланган 10 кунлик кўргазма бўлиб ўтди, дея хабар беради Кazinform dimashnews сайтига таяниб.

Кўргазма Индонезия Республикаси Миллий кутубхонасида ташкил этилди. Кўргазмада хонанданинг концертларидан бири намойиш этилди, Қозоғистондан суратлар ва эсдалик совғалари тақдим қилинди. Тадбир бепул ўтказилди.

Кўргазма Қозоғистон Республикасининг Индонезиядаги Элчихонаси ва Индонезия Республикасининг Нур-Султандаги Элчихонаси кўмагида Димаш Қудайберген DIDFC Индонезия фан-клуби томонидан ташкил этилди. Очилиш маросимида Димаш мухлислари «Дайдидау» ва «Любовь уставших лебедей» қўшиқлари билан ҳайратланарли чиқишларни намойиш этишди. Бу қўшиқлар асл нусхада ва индонез тилида куйланган.

Димаш ижодининг мухлиси, қозоқ тилини фаол ўрганишни бошлаган Тита Джаджосман меҳмонларни Мухтор Ауезовнинг «Енлик-Кебек» трагедиясини ўқиб лол қолдирди.

Фото: dimashnews.com