Ҳиндистонда кучли ёмғир 500 дан ортиқ уйни вайрон қилди, бир неча киши ҳалок бўлди
11:10, 10 Ноябр 2021
NEW DELHI. Kazinform - Ҳиндистон жанубидаги Тамил Наду штатида беш кишининг ҳаётига зомин бўлган кучли ёмғир туфайли огоҳлантириш эълон қилинди. Бу ҳақда сешанба куни Indian Express нашри маълум қилди, дея хабар беради Kazinform.
Ҳиндистон метеорология департаменти маълумотларига кўра, уч кун давом этган ёмғир ҳали тўхтамайди.
Ҳиндистоннинг катталиги бўйича тўртинчи шаҳри ва штат пойтахти Ченнай маъмурияти табиий офат қурбонлари учун вақтинчалик бошпаналарни тайёрлаб қўйди ва миллий табиий офатларга жавоб бериш кучларининг қўшимча гуруҳлари ишламоқда.
Тамил Наду штатида кучли ёғингарчиликлар оқибатида 500 дан ортиқ уй вайрон бўлди, мактаб ва коллежлар ёпилди.
Ўтган ойда ҳудудда ёғингарчилик нормасидан 43 фоизга кўп ёғган.