Ҳиндистонда коронавирус вакцинаси билан илк марта одамлар эмланди

NEW-DELHI. Kazinform – Ҳиндистонда коронавирус вакцинаси билан илк марта одамлар эмланди, дея хабар беради Kazinform АРга асосланиб.

Бутун Ҳиндистон Тиббиёт фанлари институти, Деҳлидаги етакчи ўқув шифохонаси, жума куни одамларга коронавирус вакцинасининг биринчи синов дозасини юборганини айтди.

Коваксин вакцинаси дунё бўйлаб одамларда синовдан ўтказилаётган йигирмата вакцинадан биридир.

Таъкидлаш жоизки, аҳолиси сони бўйича дунёнинг иккинчи мамлакатида бир кунда коронавирус инфекциясининг деярли 50 минг янги ҳолати қайд этилган.

Ҳозирги вақтда Ҳиндистонда СOVID-19 вирусини юқтирганларнинг умумий сони 1,4 миллион кишидан ошди. Коронавирус инфекциясидан вафот этганлар сони 32 771 ни ташкил этади, шу жумладан якшанба куни 705 киши вафот этган.

Эслатиб ўтамиз, Австралия апрель ойида коронавирус вакцинасини синаб кўришни бошлаган ва Германия апрель ойининг охирида коронавирус вакцинасини одамларда синаб кўришни бошлаган. Шу билан бирга, Европада Оксфордда экспериментал коронавирус вакцинасини инсон организмида биринчи клиник синовлари бошланди.

Июнь ойининг охирида япониялик тадқиқотчилар вакцинани клиник синовдан ўтказа бошладилар. Осака губернатори Йошимура Хирофумининг сўзларига кўра, клиник синовларнинг биринчи босқичида 20-30 тиббиёт ходимлари синовжан ўтказилади.

Россияда коронавирусга қарши вакцинанинг клиник синовлари июль ўрталарида якунланди. Тадқиқотлар натижалари препаратнинг хавфсизлигини кўрсатган.