Имтиёзли автокредит: Бу йил қанча қозоғистонлик автомобиль сотиб олиши мумкин
20:05, 24 Февраль 2022
ALMATY. Kazinform – «Астана Моторс» компанияси бош директори Бекнур Несипбаевнинг маълум қилишича, жорий йилда 15-17 мингга яқин қозоғистонлик имтиёзли автокредит асосида автомобил сотиб олиши мумкин, деб хабар бермоқда Kazinform мухбири.
«Дастлабки прогнозларга кўра, жорий йилда имтиёзли автокредит асосида 15-17 минг киши автомобил сотиб олади», — деди Бекнур Несипбаев матбуот анжуманида.
Қозоғистон автомобил бизнеси ассоциациясининг стратегик ривожланиш бўйича директори Қайрат Еламановнинг айтишича, бу имтиёзли автомобил кредитлари учун маблағлар қандай ажратилишига ҳам боғлиқ.
«Иккита йўл бор. Биринчиси жорий дастур каби, яъни, бутун кредитни молиялаштириш ёки иккинчи вариант - фоиз ставкасини субсидиялаш. Агар субсидияланган фоиз ставкаси паст бўлса, автомобиллар сони кўпроқ бўлиши мумкин«, - деди у.