Илон Маск Дональд Трампнинг Twitter-аккаунтини блокдан чиқарди

ASTANA. Kazinform – Америкалик бизнесмен Илон Маск Американинг собиқ президенти Дональд Трампнинг Twitterдаги аккаунтини блокдан чиқарди, деб хабар беради Kazinform.

Кеча И. Маск Twitterдаги шахсий аккаунтида сўровнома бошлади. У шундай деб ёзди: «Собиқ президент Трампни қайтариш» ва иккита вариант таклиф қилди: «ҳа» ёки «йўқ». Овоз бериш 24 соат давом этди.

Бир кунда 15 миллиондан кўпроқ одам танлов қилди. Уларнинг 51,8 фоизи Трамп аккаунтини қайтарилишини қўллаб-қувватлаган бўлса, 48,2 фоизи бунга қарши чиққан.

Илон Маск сўров натижаларини Twitterда эълон қилди. Унга кўра, сўровномани 134 миллион киши ўқиган.

Эслатиб ўтамиз, 2021 йил январ ойида Twitter ижтимоий тармоғи АҚШнинг ўша пайтдаги президенти Дональд Трампнинг аккаунтини бутунлай блоклаган эди. Трамп мамлакат раҳбари лавозимида 26 мингдан ортиқ твит ёзган. Кунига ўртача 18 та твит ёзган.

Илон Маск Twitterни шу йилнинг октябр ойи охирида 44 миллиард долларга сотиб олди.