Илмий натижаларни тижорийлаштириш орқали Қозоғистон олимлари 16 млрд тенге фойда олди

NUR-SULTAN. Kazinform – Сўнгги йилларда қозоғистонлик олимлар ўз илмий лойиҳаларини тижорийлаштириш орқали 16 млрд тенге миқдорида фойда олди. Бу ҳақда Таълим ва фан вазирлиги Фан қўмитаси раиси Жанна Қурманғалиева маълум қилди, деб хабар беради Kazinform мухбири.

«Ҳар қандай илмий фаолиятнинг муҳим натижаларидан бири бу аниқ ижтимоий-иқтисодий муаммоларни ҳал этиш, ҳудудни ривожлантириш, Қозоғистоннинг ҳар бир фуқароси ҳаётига ижобий таъсир кўрсатишдир. 2016 йилдан Қозоғистон Фан жамғармаси тадқиқот натижаларини тижорийлаштириш бўйича 151 та лойиҳани молиялаштиради. Бугунги кунга қадар 120 дан ортиқ лойиҳа сотувга қўйилган. Инновацион маҳсулотларни сотишдан тушган умумий даромад 16 миллиард тенгени ташкил этди. Бундан ташқари, 5,2 миллиард тенге солиқ тўланган. 1400 дан ортиқ иш ўрни яратилди», - деди қўмита раҳбари.

Унинг сўзларига кўра, хусусий сектор билан лойиҳаларни қўшма молиялаштириш ҳажми унчалик катта эмас – тахминан 18 фоиз.

«Бироқ маҳаллий илм-фан томонидан ишлаб чиқарилган 350 миллион тенгелик маҳсулот экспорт қилинди. Мамлакатнинг 30 дан ортиқ олимлари ўз лойиҳалари учун 340 миллион тенгега яқин роялти ёки гонорар олади. Бу катта ютуқ», - деди Жанна Курманғалиева.

У, шунингдек, Қозоғистонда ҳар 1 миллион аҳолига 1172 нафар олим тўғри келишини айтиб ўтди.

Муаллиф: Есимжан Нақтибай