Илм-фан соҳасида меҳнат қилаётган инсонларни қўллаб-қувватлайман – Президент

ASTANА. Кazinform – Давлат раҳбари Қасим-Жомарт Тоқаев Ғарбий Қозоғистон вилоятига амалий ташрифи чоғида вилоят фаоллари билан фикр алмашди, деб хабар беради Кazinform мухбири.

Президент билан учрашувда Жангирхан номидаги Ғарбий Қозоғистон аграр-техника университети профессори Сарсенбек Монтаев мамлакат илм-фанининг ютуқлари ҳақида гапирди.

– Бугунги кунда давлатимиз томонидан олимлар, айниқса, ёш олимлар ҳар томонлама қўллаб-қувватланмоқда. Натижада менинг раҳбарлигимда 10 та инновацион лойиҳа амалга оширилмоқда. Улардан иккитаси тўлиқ тижоратлаштирилган. Қолганлари бўйича тадқиқотлар якунланди ва ишлаб чиқаришга жалб этишга тайёр. Илмий лойиҳаларимиз кашфиётлари 15 та инновацион патент билан ҳимояланган ва илмий натижаларимиз Web of Science Scopus маълумотлар базасига киритилган хорижий мамлакатлардаги юқори индексли журналларда чоп этилган. Натижада АҚШнинг Стенфорд университети мутахассислари томонидан тузилган эWorld Ranking of Top 2% Scientists энг яхши олимларнинг жаҳон рейтингига кирдим. Бу олимларимизнинг илмий изланишлари инновацион даражасини хорижлик олимлар томонидан эътироф этилиши ва юксак баҳоланиши, деб биламан. Ишончим комилки, биз келажакда Қозоғистоннинг илмий салоҳиятини жаҳон даражасига кўтаришга ўз ҳиссамизни қўшамиз ва илмий лойиҳаларнинг якуний натижалари мамлакат иқтисодиётига хизмат қилади, – деди олим.

Бу борада Давлат раҳбари ёш олимларни қўллаб-қувватлаши, Ёш олимлар кенгаши ташкил этилганини таъкидлади.

«Биз ёш олимларни ишга таклиф қиламиз. Бу жуда зарурдир. Умуман олганда, менга фан ёқади. Мен илм-фан соҳасида ишлайдиган одамларни қўллаб-қувватлайман. Ёш олимларни ҳам қўллаб-қувватлайман. Бу мамлакатимиз, Қозоғистон учун зарурдир», — деди Қасим-Жомарт Тоқаев.

Муаллиф: Марлан Жиембай