Хорижликларга Қозоғистонда яшаш учун рухсатнома бериш тартиблари ўзгаради

ASTANA. Кazinform – Қозоғистон Республикаси Ички ишлар вазирлиги чет элликлар ва фуқаролиги бўлмаган шахсларга Қозоғистон ҳудудида вақтинчалик ва доимий яшаш учун рухсатномалар бериш қоидаларига ўзгартириш киритишни таклиф қилди. Тегишли буйруқ Ashyq МҲА сайтида эълон қилинди, деб хабар беради Кazinform мухбири.

Ҳужжат «одам савдоси қурбони» ва «бошпана изловчи» атамалари билан тўлиқтирилган.

«Одам савдоси қурбонлари ва бошпана изловчиларни қабул қилувчи томонлар маҳаллий ижро этувчи органлардир. Вақтинчалик яшаш учун рухсатнома узайтириш имконияти билан олти ойга, лекин уч ойдан ортиқ бўлмаган муддатга берилади», — дейилади ҳужжатда.

Доимий прописка олиш учун ички ишлар органларига мурожаат қилиб, тегишли ҳужжатлар ва аризаларни тақдим этган муҳожирларга, агар улар белгиланган талабларга жавоб берса, 90 кундан ортиқ бўлмаган муддатга вақтинчалик яшаш учун рухсатнома берилади.

Вақтинчалик яшаш учун рухсатнома Қозоғистонга маълум муддатга хизмат кўрсатиш мақсадида келган хорижликларга берилади. Агар у узайтирилса, мамлакатда умумий бўлиш муддати 1 йилдан ошмаслиги керак.

Бундан ташқари, янги ўзгартиришга кўра, мигрантларга гуманитар мақсадларда вақтинчалик яшаш учун рухсатнома маҳаллий ижро ҳокимияти органларининг қўллаб-қувватлаш хати асосида уни узайтириш ҳуқуқи билан 90 кунга берилади.

Буйруқнинг жамоатчилик муҳокамаси 22 ноябрга қадар давом этади.

Муаллиф: Алихан Асқар