Хорижий давлатлар президентлари Тоқаевни сайловдаги ғалабаси билан табрикламоқда
Бирлашган Миллатлар Ташкилоти Бош котиби Антониу Гутерриш ўз табригида Давлат раҳбарига муваффақиятлар тилади ҳамда Қозоғистон Бирлашган Миллатлар Ташкилоти ва кўп қирралиликнинг қатъий ва ишончли тарафдори эканини таъкидлади.
«Бирлашган Миллатлар Ташкилотининг Марказий Осиёдаги Превентив дипломатия бўйича минтақавий маркази ва ташкилотнинг Қозоғистондаги вакиллик гуруҳлари орқали умумий манфаатларга эга бўлган масалалар бўйича яқин муносабатларни давом эттиришни интиқлик билан кутаман. БМТ Қозоғистон хавфсизлик, барқарор ривожланиш, инсон ҳуқуқлари ва гендер тенглигини таъминлаш соҳаларида глобал муаммоларга қарши биргаликдаги ҳаракатларни қўллаб-қувватлашига ҳамда ўз мажбуриятларини бажаришига катта ишонч билдиради», — дейилади телеграммада.
Бирлашган Миллатлар Ташкилотининг 8-Бош котиби, Глобал Яшил ривожланиш институти Ассамблеяси раиси Пан Ги Мун ҳам Қасим-Жомарт Тоқаевга Қозоғистон Президенти этиб қайта сайлангани муносабати билан самимий тилакларини йўллади.
«Қозоғистоннинг минтақавий аҳамияти ва сизнинг етакчилик фазилатларингиз Глобал яшил ўсиш институтига минтақанинг барқарор ривожланишига салмоқли ҳисса қўшиш имконини беради. Биз сиз билан яшил ўсиш истиқболларини илгари суриш, жаҳон ҳамжамиятига иқлим ўзгариши соҳасида етакчилик намунасини кўрсатиш ва сайёрамизни келажак авлодлар учун тоза қолдириш учун ҳамкорлик қилиш ниятидамиз», — деб ёзган Пан Ги Мун.
Бундан ташқари, Европа Кенгаши Президенти Шарл Мишел, Эрон Ислом Республикаси Президенти Иброҳим Раисий, Саудия Арабистони Подшоҳи – Жуфт зиёратгоҳ посбони Салмон бин Абдулазиз Ол Сауд, Саудия Арабистони Валиаҳд шаҳзодаси Муҳаммад бин Салмон бин Абдулазиз Ол Сауд, Иордания Қироли Қирол Абдулла II, Қатар Амири Тамим бин Ҳамад Ол Соний, Қатар Амири ўринбосари Абдулла бин Ҳамад Ол Соний, Қатар Бош вазири Холид бин Халифа бин Абулазиз Ол Соний, Қувайт амири Наваф ал-Аҳмад ал-Жобир ас-Сабоҳ, Уммон султони Хайсам бин Тариқ, Фаластин Президенти Маҳмуд Аббос, Мальдив ороллари Президенти Иброҳим Муҳаммад Солиҳ, Венгрия Президенти Каталин Новак, Венгрия Бош вазири Виктор Орбан, Польша Президенти Анжей Дуда, Хорватия Президенти Зоран Миланович, Финляндия Президенти Саули Ниинистё, Нидерландия Қироли Уилям-Александр, Австрия Президенти Александр Ван дер Беллен, Латвия Президенти Эгилс Левитс, Литва Президенти Гитанас Науседа, Эстония Президенти Алар Карис, Словакия Президенти Зузана Чапутова, Словения Республикаси Президенти Борут Паҳор, Болгария Президенти Румен Радев, Шимолий Македония Президенти Стево Пендаровски, Кипр Президенти Никос Анастасиадис, Ҳиндистон Бош вазири Нарендра Моди, Япония Бош вазири Фумио Кишида, Корея президенти Юн Сок Ёль, Сингапур Президенти Ҳалима Якоб, Россия Ҳукумати раиси Михаил Мишустин, БМТ Цивилизациялар альянси олий вакили Мигел Анхел Моратинос, Россия Федерацияси Федерал Мажлиси Давлат думаси раиси Вячеслав Володин, Москва ва бутун Россия Патриархи Кирилл, Қуддус Патриархи Теофил III, Шанхай ҳамкорлик ташкилоти котиби раҳбари Чжан Мин, ЕХҲТнинг миллий озчиликлар бўйича Олий комиссари Қайрат Абдирахманов, Ислом озиқ-овқат хавфсизлиги ташкилоти бош директори Ерлан Байдаулет, ТУРКСОЙ Бош котиби Султон Раев, Марказий Осиё католик епископлари конференцияси раиси, епископ Хосе Луис Мумбиела-Сьерра, Жаҳон иқтисодиёти форум асосчиси, профессор Клаус Шваб ва бошқалар табрик йўллаган.