Хоккей бўйича ёпиқ иншоотлардаги Осиё Кубогида Қозоғистон кетма-кет иккинчи ўйинда ғалаба қозонди

BANGKOK. Kazinform - Қозоғистоннинг ёпиқ иншоотлардаги хоккей бўйича аёллар терма жамоаси айни дамда Бангкок (Таиланд) шаҳрида бўлиб ўтаётган Осиё Кубоги доирасидаги иккинчи ўйинини Тайпей терма жамоасига қарши ўтказди, дея хабар беради Kazinform Sports.kzга таяниб.

11 август куни қозоғистонлик аёллар 6:0 ҳисобида йирик ғалабага эришди.

Бундан ташқари, ушбу ўйин натижаларига кўра, қозоғистонлик хоккейчи Алина Биссирова энг яхши ўйинчи деб топилди ва у учрашувдан сўнг мукофот олди.

Аввал хабар берганимиздек, мусобақанинг илк учрашувида Қозоғистон терма жамоаси Покистон устидан 13:0 ҳисобида янада йирикроқ ғалабага эришган эди.

Қозоғистон билан гуруҳда Камбоджа, Индонезия, Эрон, Малайзия, Сингапур ва Таиланд терма жамоалари бор.

Фото: sports.kz