Хитойнинг Чэнду шаҳрида стол тенниси бўйича жамоалар ўртасидаги жаҳон чемпионати бўлиб ўтади

PEKIN. Kazinform – Чэнду шаҳрида (Сичуан провинцияси, жануби-ғарбий Хитой) стол тенниси бўйича жамоалар ўртасидаги жаҳон чемпионати 30 сентябрдан 9 октябрга қадар «ёпиқ цикл тизими» деб номланувчи тизимда бўлиб ўтади, дея хабар беради Kazinform мухбири Халқаро стол тенниси федерацияси (ITTF) баёнотига таяниб.

Коронавирус пандемияси сабабли қолдирилган уч карра жамоавий чемпионат Сичуан провинциясининг маъмурий маркази – Чэнду шаҳрида бўлиб ўтади. Хитойнинг ушбу провинциясида коронавирус тарқалиши сабабли Чэндудаги мусобақанинг якуний қисми «ёпиқ цикл тизими»да ўтказилади. 2022 йилда Пекинда Қишки Олимпия ўйинларида синовдан муваффақиятли ўтди.

ITTF маълумотларига кўра, жамоавий чемпионат иштирокчилари Чэндуга карантинсиз киришлари ва чиқишлари мумкин бўлади. Ташкилотчилар спорт иншоотлари атрофида иштирокчи давлатлар вакиллари ҳаракатланиши мумкин бўлган чекланган жой яратдилар. Спорт делегациялари жойлаштириладиган расмий меҳмонхоналар мусобақа ўтказиладиган жойга махсус транспорт орқали уланади. «Ёпиқ цикл тизими»ни тарк этиш тақиқланади.

ITTF маълумотларига кўра, жамоалар Чэнду шаҳрига 26 сентябр, душанба куни келишни бошлайди.

Маҳаллий ОАВ хабарига кўра, Чэндуда ўтказиладиган жамоавий чемпионатнинг финал қисми учун чипталарнинг очиқ савдоси бекор қилинган. Турнир чекланган миқдордаги маҳаллий томошабинлар иштирокида ўтказилади.

Чэнду — 2022 стол тенниси бўйича жамоалар чемпионати рўйхатидан Қозоғистоннинг эркаклар ва аёллар жамоалари ўрин олган.

Муаллиф: Руслан Сулейменов

Фото: mir-hotels.com