Хитойлик этник қозоқлар Жеки Чанга от совға қилишди

ASTANА. Кazinform – Шинжондаги Иле қозоқ автоном вилоятининг Мўғулкуре туманида яшовчи этник қозоқлар дунёга машҳур хитойлик актёр, «Оскар» мукофоти совриндори Жеки Чанга миллий бош кийим ва от совға қилишди, деб хабар беради Kazinform мухбири.

Wеibо ижтимоий тармоғида тарқалган видеолардан кўриш мумкинки, таниқли актёр Шинжонга ташрифи чоғида маҳаллий аҳоли томонидан илиқ кутиб олиниб, қозоқ анъаналарига кўра фахрий меҳмон сифатида совғага от олганини кўриш мумкин.

Кадрларда қозоқ бош кийимини кийиб, қўлига қамчи тутган Жеки Чан ўз миннатдорчилигини билдириб, халқ билан бирга қўшиқ куйлаган.

Эслатиб ўтамиз, Жеки Чан Шинжонга ушбу ташрифи чоғида 2005 йилда чиққан «Афсона» фильмининг давомини суратга олган эди.

Муаллиф: Мухтар Қалимоллаули