Хитойда Қуёшни кузатиш учун дунёдаги энг йирик радиотелескопи қурилди
Телескоп Хитойнинг жануби-ғарбидаги Сичуан провинциясидаги платода жойлашган. У ҳар бирининг диаметри 6 метр бўлган 313 та антеннадан иборат. Қурилманинг умумий майдони 1 км.
Радиотелескопнинг асосий калибрлаш антеннаси айлананинг марказидаги минора тепасига ўрнатилган. Осмон жисмлари 150-450 мегагерц частотаси билан назорат қилинади.
Телескоп Қуёшдан чиқадиган чиқиндилар ва радиацияларни кузатиш учун мўлжалланган. Бу, ўз навбатида, коинотдаги об-ҳавонинг ўзгаришини аниқлайди ва ерга яқин радиусда учадиган қурилмаларнинг ишдан чиқиши эҳтимолини камайтиради.
«DSRT» қурилиши 2021 йилда бошланган. Унинг антенналарини ўрнатиш жорий йилнинг ноябр ойи ўрталарида якунланди. Энг йирик телескоп билан илмий тадқиқотлар келаси йилнинг ёзида бошланади. Маълумки, кузатишлар натижасида олинган маълумотлар жамоатчиликка тақдим этилади.