Хитойда кема ҳалокати: 6 киши бедарак йўқолган

HAIKOÝ. Xinhua - Kazinform – Хитойнинг жанубида «Нангка» тайфуни туфайли қум ташувчи кема аварияга учраб олти нафар экипаж аъзоси бедарак йўқолган, деб хабар беради Kazinform Синхуа агентлигига таяниб.

10 нафар экипаж аъзоси бўлган қум ташувчи кема соат 20:00 атрофида Хитойнинг жанубидаги Гуандун провинциясидаги Гуанчжоу шаҳарга бораётганда ағдарилиб кетди. Бу ҳақда Хитой жанубидаги Хайнань провинциясининг маъмурий маркази Хайкоу шаҳридаги «Саньша» денгиз қутқарув маркази хабар берди.

Қутқарувчилар жароҳат олган тўрт кишини қутқарди, қолган олти киши бедарак йўқолган.

Қутқарув кемаси воқеа жойига етиб борди. Аммо кучли шамол ва тўлқин туфайли чўкиб кетган кемага яқинлаша олмади. Қутқарув ишлари давом этмоқда. Йўқолганлар қидирилмоқда.

Бу йилги ўн олтинчи «Нангка» тайфуни сешанба куни соат 19:20 атрофида Хайнань вилоятидаги Цюнхай шаҳрига 90 км/соат тезликда етиб борган.