Хитойда бензин ва дизель ёқилғиси арзонлашади

ASTANA. Kazinform - Жаҳон нефть нархининг ўзгариши туфайли Хитойда бензин ва дизель ёқилғисининг чакана нархи пасаяди. Бу ҳақда Хитой Халқ Республикаси тараққиёт ва ислоҳотлар бўйича давлат қўмитаси маълум қилди, дея хабар беради Kazinform Синьхуа агентлигига таяниб.

Агентлик маълумотларига кўра, бензин ва дизель нархи 160 юань (тахминан 23,11 АҚШ доллар) ва мос равишда, бир тонна учун 155 юанга арзонлашади.

Мамлакатда нархларни белгилаш механизмига кўра, нефть маҳсулотлари нархи хом нефтнинг жаҳон нархининг ўзгаришига қараб тартибга солинади.

Тараққиёт ва ислоҳотлар бўйича давлат қўмитаси Хитойнинг учта етакчи нефть компанияси - China National Petroleum Corporation, China Petrochemical Corporation ва China National Offshore Oil Corporationдан бозор таъминоти барқарорлигини таъминлаш учун нефть маҳсулотларини ишлаб чиқариш ва ташишни ташкил этишни талаб қилди.